Agoloso Presents - Atondido Stories Agoloso Presents - Paphata pa Chichewa | Page 221
Paphata pa Chichewa
Labadira (labada): Kumvera, kutsatira.
Chitsanzo: (1) Sakulabada kuti mwana wawo akuvutika.
(2) Agogo salabadira za munthu.
Lakalaka: Kufunitsitsa.
Chitsanzo: Ndikulakalaka nditadya dothi.
Lalamuka: Kulalata, kukalipa.
Chitsanzo: N’chifukwa chiyani mumalalamuka dzulo lija?
Lalata: Kunena chipongwe mokweza.
Chitsanzo: Anabwera kudzandilalatira.
Lambalala:
(a) Nena nkhani mozungulira.
Chitsanzo: Kuyankha kwake amachita molambalala.
(b) Dutsa mozungulira.
Chitsanzo: Mnzako akapunthwa n’kuthyoka mwendo, iwe
umalambalala m’mbalimo.
Lambula njira: Kukonzekera, kuyambirira kuchita
chinachake.
Chitsanzo: John Chilembwe ndi amene analambula njira
ya ufulu m’Malawi muno.
Lamwa (Lamwira): Kupusa.
Chitsanzo: (1) Sindifuna mwana wolamwa chonchi. (2) Ku-
lamwira sikusiyana ndi uchitsiru.
Landitsa ndewu: Kuleletsa ndewu, kusiyitsa anthu
kumenyana.
Chitsanzo: Akulanditsa ndewu kumtundaku.
Landula: Kumukana pagulu, kumuthamangitsa.
Chitsanzo: Achimwene awo analandula akazi awo.
Langiza kuphazi: Kuthawa.
Chitsanzo: Mbalayo itaona kuti anthu aiona, inalangiza
kuphazi.
Lapitsa: Kumenya munthu kwambiri.
Chitsanzo: Amumenya molapitsa.
220