Agoloso Presents - Atondido Stories Agoloso Presents - Paphata pa Chichewa | Page 216

Paphata pa Chichewa
(b) Kumwalira.
Chitsanzo: (1) Anthu akuyoyoka ndi matenda. (2) Edzi
ikuyoyola anthu.
Kuyoyoka:
(a) Kugwa pansi.
Chitsanzo: Nandolo yense wayoyoka.
(b) Kupha.
Chitsanzo: Masiku ano matenda akuyoyola anthu
osaneneka.
Kuzaza (kuzazira): Kukalipa.
Chitsanzo: Akakupezani akuzazirani.
Kuzemberera: Kuchita zinthu mwakabisira ukufuna
munthu wina kapena chinachake.
Chitsanzo: Anyamatawa akuzemberera atsikana anu aja.
Kuzengereza: Kunyalanyaza, kusafuna kuchitiratu
chinthu.
Chitsanzo: N’chifukwa chiyani mumazengereza kubwera,
ndinakusungirani nsimatu?
Kuzerezeka: Kusiya kuganiza bwino.
Chitsanzo: Bambo aja ndi ozerezeka, zoona kumakolopa
m’nyumba akazi awo akugona.
Kuzezeduka: Kuchenjeretsa.
Chitsanzo: Mwanayu ndi wozezeduka.
Kuzichunachuna: Kuzikongoletsa, kuzikonzakonza.
Chitsanzo: Pa tsiku la chikondwererocho, azimayi onse
anazichunachuna.
Kuzigwa: Kusowa chochita.
Chitsanzo: Ukazigwa, ngakhale khala losayaka limatha
kukuotcha.
Kuzika:
(a) Kulowetsa pansi.
Chitsanzo: Zikani mtengowu apa!
215