Agoloso Presents - Atondido Stories Agoloso Presents - Paphata pa Chichewa | Page 209
Paphata pa Chichewa
Kuwolowa manja: Kukhala opatsa.
Chitsanzo: Bambowa ndi owolowa manja.
Kuwolowa: Kufewa.
Chitsanzo: Ndaviika mpunga kuti uwolowe.
Kuwongokera: Kuchira.
Chitsanzo: Bola panopa odwala aja akuwongokera.
Kuwongola miyendo: Kupita koyenda.
Chitsanzo: Apita kukaongola miyendo.
Kuwongola miyendo: Kupita koyenda.
Chitsanzo: Ndikupita kumtundaku kukawongola miyendo.
Kuwonjola:
(a) Kuthandiza.
Chitsanzo: Ndikulalakala wina atabwera kuti adzandiwon-
jole pamavutowa.
(b) Kuchotsa nyama pansampha.
Chitsanzo: Ndikupita kukawonjola nyama kumisampha
yanga.
Kuwononga ndalama: Kugwiritsa ntchito ndalama
mosasamala.
Chitsanzo: Mkazi ameneyu amawononga ndalama osati
pang’ono.
Kuwotcha: Kulephera kuchita chimene umafuna,
kungowononga nthawi osapeza zimene umafuna.
Angatanthauzenso kungodikira kapena kuyenda ulendo
popanda kanthu, kulephera..
Chitsanzo: (1) Ndikanadziwa sindikanabwera,
ndangowotcha ndalama zanga. (2) Amene anapita dzulo
wangowotcha.
Kuwowoza: Kukuwiza munthu.
Chitsanzo: Mwana wolephera mayesoyo anamuwowoza
mpaka kulira.
208