Agoloso Presents - Atondido Stories Agoloso Presents - Paphata pa Chichewa | Page 20
Paphata pa Chichewa
Buothaotha moto (kuotha moto): Palamula.
Chitsanzo: Amene uja auotha moto lero.
Bwalula uzimba: Kuyamba bwino uzimba mwa kupha
nyama.
Chitsanzo: Ndikapita kosaka ndi awa timabwalula uzimba.
Bwanyula pakamwa: Kum’menya pakamwa.
Chitsanzo: Anamubwanyula pakamwa chifukwa
amayankhula zopanda pake.
Bwatabwata phulu: Yankhula mwachibwana.
Chitsanzo: Ukayankhulanso za bwatabwata phulu,
akuphofomola.
Bwenzi lamphasa: Munthu wodwaladwala.
Chitsanzo: Mwana wamasiye uja wasanduka bwenzi
lamphasa.
Bwerera kumanda: Kuchira utadwala mwakayakaya.
Chitsanzo: Abwerera kumanda awa, moyo timaonera
pakhosi.
Bwerera lili pululu: Kuchira utadwala mwakayakaya.
Chitsanzo: Ndikadafa ine, ndabwerera lili pululu.
Bwerera lokumbakumba: Kuchira utadwala
mwakayakaya.
Chitsanzo: Anadwala zedi moti abwerera lokumbakumba.
Bwererana: Mawuwa amanenedwa ngati munthu banja
linatha ndiye anthuwo ayambanso kukhala limodzi.
Chitsanzo: (1) Achemwa akuganiza zobwererana ndi
amuna awo. (2) Anthu anasudzulana aja abwererana.
19