Agoloso Presents - Atondido Stories Agoloso Presents - Paphata pa Chichewa | Page 183

Paphata pa Chichewa
Kupsa: Kukhala opanda ndalama.
Chitsanzo: Pano ndiye ndapseratu.
Kupsipsintha:
(a) Kutsopa bwinobwino.
Chitsanzo: Atamaliza kudya anayamba kupsipsintha ma-
fupa.
(b) Kuonda kwambiri.
Chitsanzo: Anzawo onenepa aja anapsipsinthika.
Kupsopsona: Kukisa.
Chitsanzo: Akufuna akupsopsone.
Kupuka: Kusupuka, kuchoka khungu.
Chitsanzo: Anapsa ndi madzi otentha moti wakupukiratu.
Kupukusa mutu wopanda nyanga: Kudzimvera chisoni,
kudandaula.
Chitsanzo: Ndikaganizira mavuto amene ndikukumana
nawo, ndimangopukusa mutu pukupuku.
Kupukusika: Kuyenda moyerekedwa.
Chitsanzo: Akamadutsa apa akumachita kupukusika.
Kupululitsa:
(a) Kulepheretsa, kupusitsa.
Chitsanzo: Anzanu aja andipululitsa. Eti amadutsa ine
ndikufuna kuba magwafa!
(b) Kuchititsa wina kuti apulule zinthu.
Chitsanzo: Apululitsa mango onse aja.
Kupululuka:
(a) Kufa ambiri.
Chitsanzo: (1) Anthu ambiri apululuka chifukwa cha njala.
(2) Edzi ikupulula miyoyo ya anthu.
(b) Kuthothoka.
Chitsanzo: Mango onse apululuka.
Kupulumuka:
(a) Kutsomphoka kapena kugwa kuchoka m’manja.
Chitsanzo: Poto anandipulumuka.
182