Agoloso Presents - Atondido Stories Agoloso Presents - Paphata pa Chichewa | Page 18

Paphata pa Chichewa
yomweyo mnzake wina ananena kuti “bowa wanga!”
Chifukwa cha chidodo mnzakeyo anazula bowayo pomwe
anali woyambirira kumuona ndi iyeyo.
Chitsanzo: Malonda a mtedza samafuna munthu wa
bobobo.
Bodza lofuka utsi: Bodza lalikulu.
Chitsanzo: Ndinadziwiratu kuti limeneli ndi bodza lofuka
utsi.
Bola moyo: Mawu amene amanenedwa m’malo monena
kuti, nanga titani. Mawuwa amanenedwa ukamachita
zinthu mokakamizika.
Chitsanzo: Tidyabe zomwezi, bola moyo.
Bola:
(a) Mawuwa amanenedwa munthu akamanena kuti zili
bwinobe koma osati kwenikweni.
Chitsanzo: Bola atipatsa poyambira, kusiyana ndi
kungokhaliratu.
(b) Kampukutu ka chamba.
Chitsanzo: Amugwira ndi kabola ka chamba.
Bomba:
(a) Mkazi wokongola.
Chitsanzo: Mwana wa mayiwa ndi bomba.
(b) Kusiirira zinthu zomwe zikhoza kudzabweretsa mavuto
aakulu m’tsogolo.
Chitsanzo: Matenda akubisawa ndi bomba, akadzaphulika
tidzadziwa.
Bombono: Bondo.
Chitsanzo: Waguluka bombono.
17