Agoloso Presents - Atondido Stories Agoloso Presents - Paphata pa Chichewa | Page 179

Paphata pa Chichewa
Kuphuvumula: Kumenya munthu modetsa nkhawa.
Chitsanzo: Anzake ndi amene amuphuvumula.
Kuphwa madzi: Kupumula kapena kupuma kugwira
ntchito inayake.
Chitsanzo: Nthawi yotentha ino umafunika kupita
kunyanja n’kukaphwa madzi.
Kuphwanya kwa thupi: Kumva kupweteka m’thupi chifu-
kwa cha matenda kapena chifukwa chogwira ntchito yole-
metsa.
Chitsanzo: Thupi langa likamaphwanya, malungo ama-
khala akundizemberera.
Kuphwanya malamulo: Kuchita zinthu zosemphana ndi
malamulo.
Chitsanzo: Anthu onse amene akuphwanya malamulo
amangidwa.
Kuphweka: Kusavuta.
Chitsanzo: Kuyendetsa galimoto ndi kophweka.
Kuphyontha (kupyontha): Kutsopa, kumwa.
Chitsanzo: Ndinamupeza akuphyontha zakumwa zozi-
ziritsa kukhosi.
Kupikula: Kugula zinthu zambiri nthawi imodzi.
Chitsanzo: Ndikupita kukapikula katundu.
Kupima:
(a) Kuzolowera mavuto.
Chitsanzo: Ine ndinapima ndi mavuto.
(b) Kusapsa.
Chitsanzo: Chimanga chimene amakazinga chija chapima.
Kupinda: Kusokoneza munthu kuti asamve zimene
mukunena.
Chitsanzo: Koma ndiye mwatipindatu, mukutanthauza
chiyani?
178