Agoloso Presents - Atondido Stories Agoloso Presents - Paphata pa Chichewa | Page 166
Paphata pa Chichewa
Kunditola: Kundiderera, kundinyoza, kusiya kukule-
mekeza.
Chitsanzo: Ana a sukuluwa amanditola.
Kundiwerenga: Kundilondalonda.
Chitsanzo: Sindibwera pamayeso, chonde chepetsani
kundiwerenga.
Kundiyenda pansi: Kundipusitsa, kuchita zinthu
mondibisila.
Chitsanzo: Sikuti muzichita zinthu zondiyenda pansitu
apa!
Kundizolowera: Kusiya kuchita nane mantha,
kusandilemekeza.
Chitsanzo: Mwandizolowera eti?
Kunena mosapita m’mbali: Kunena mwatchutchutchu,
kunena mosazungulira.
Chitsanzo: Ndinene mosapita m’mbali pano, ndinu opusa
kwabasi.
Kunena mosapsatira (kuyankhula mosapsatira):
Kunena mosabisa mawu.
Chitsanzo: Ukawafunsa, amangonena mosapsatira mawu.
Kung’amba:
(a) Kuthamanga kwambiri.
Chitsanzo: Mwana ameneyu amang’amba.
(b) Kudzera njira yachidule.
Chitsanzo: Ndikuganiza kuti ndingong’amba ndi njira iyi
kuti ndikafika msanga.
Kung’ambidwa mtengo: Kuuzidwa kuti upereke ndalama
zambiri pogula chinthu.
165