Agoloso Presents - Atondido Stories Agoloso Presents - Paphata pa Chichewa | Page 162
Paphata pa Chichewa
Chitsanzo: Mwagwira ntchito kwabasi, kumeneko ndiye
kukhala.
Kumenyetsa nkhwangwa pamwala: Kukanitsitsa.
Chitsanzo: Wamenyetsa nkhwangwa pamwala kuti
sapitakonso.
Kumera linunda: Kuyamba kudzimva, kuyamba
kuyerekedwa, kudzikuza.
Chitsanzo: Mmene awapatsa udindomu ayamba kumera
linunda.
Kumera mizu: Kukhazikika.
Chitsanzo: Akamwini amayerekedwa akayamba kumera
mizu pamudzi.
Kumera nthenje: Kukhazikika.
Chitsanzo: Chikondi chathu chamera nthenje.
Kumeza: Kudya.
Chitsanzo: (1) Ndinapita kukawaona ndipo ndinawapeza
akumeza. (2) Tiyeni tikameze nsima.
Kumkeka: Mkazi.
Chitsanzo: Kodi a kumkeka ali bwanji?
Kumoto: Kumaliseche.
Chitsanzo: Anabuula atamumenya kumoto.
Kumpando: Mawu omwe anthu amanena polemekeza
munthu.
Chitsanzo: Ali bwanji kumpando!
Kumsitu: Kumanda.
Chitsanzo: Anamupeza akuthyola mango kumsitu.
161