Agoloso Presents - Atondido Stories Agoloso Presents - Paphata pa Chichewa | Page 143

Paphata pa Chichewa
Kukhwefula:
(a) Kufooketsa, kugwetsa mphwayi.
Chitsanzo: Zimene andiuza zandikhwefula.
(b) Kumasula pang’ono.
Chitsanzo: Takhwefulani zingwezi.
(c) Kuvalira buluku m’matako, kutsetseretsa buluku.
Chitsanzo: Mnyamata wina wadutsa apa atakhwefula.
Kukhwethemuka: Kufooka, kubwerera m’mbuyo.
Chitsanzo: (1) Ng’ambayi yachititsa kuti alimi ambiri
akhwethemuke. (2) Zimene mwanenazi zandikhwethemu-
la.
Kukhwima:
(a) Kuzama pa nkhani ya zanyanga.
Chitsanzo: (1) Mkulu ameneyu ndi wokhwima. (2)
Anakwimira ana awo aja!
(b) Kukula.
Chitsanzo: Munthu amene akufuna kulowa m’banja ama-
funika kudikira kuti akhwime bwinobwino.
(c) Kucha.
Chitsanzo: Chimanga chakhwima.
(d) Kukhala oganiza bwino.
Chitsanzo: Munthuyu ndi Nkhristu wokhwima.
Kukhwimira panazale: Kulephera kupeza banja mpaka
msinkhu wokhala pabanja utadutsa.
Chitsanzo: Ukamangokana amuna ukhwimira panazale!
Kukhwinyata: Kukhumata.
Chitsanzo: Amafuna tizingokhala mokhwinyata.
Kukodola: Kuitana.
Chitsanzo: Akukukodola mnyamata uyo!
142