Agoloso Presents - Atondido Stories Agoloso Presents - Paphata pa Chichewa | Page 106

Paphata pa Chichewa
(b) Malo okwera.
Chitsanzo: Tikafika kuchikwezako mutsika kaye.
Kuchilimika: Kuchita khama.
Chitsanzo: Ingochilimikani kulima, chaka chino mvula
iliko!
Kuchimina: Kulapa kuti sudzachitanso, kukhaula.
Chitsanzo: (1) Ndachimina, sindidzayendanso osavala
nsapato mumchenga. (2) Achimina kuti sadzagwiranso
waya wa magetsi.
Kuchimwa: Kulakwa, kuchita tchimo.
Chitsanzo: Mukapanda kuchenjera ndi atsikanawa
muchimwa.
Kuchimwitsa: Kupereka mimba kwa mtsikana.
Chitsanzo: (1) Mwana wanuyu wachimwitsa mtsikana. (2)
N’chifukwa chiyani anthu amanena kuti mnyamata
wachimwitsa mtsikana pomwe onsewo amakhala
atachimwa.
Kuchinya:
(a) Kugoletsa.
Chitsanzo: Anapereka mphoto kwa onse omwe anachinya.
(b) Kuposa munthu.
Chitsanzo: Anzathutu ndiye mwatichinya, mwamaliza kale
ntchito yanu!
Kuchita bwino:
(a) Kukhala olemera.
Chitsanzo: Banja limeneli ndi lochita bwino.
(b) Kukhoza bwino.
Chitsanzo: Mwanayu amachita bwino m’kalasi.
(c) Kuchita zinthu molongosoka.
105