Agoloso Presents - Atondido Stories Agoloso Presents - Paphata pa Chichewa | Page 102
Paphata pa Chichewa
Kubodetsa: Kupusitsa.
Chitsanzo: Mukapusa akubodetsani.
Kubodetsana: Kupusitsana.
Chitsanzo: (1) Anthuwatu akungobodetsana. (2) Ukapanda
kuchenjera akubodetsanso.
Kubolobosha:
(a) Kuchita zinthu mosalongosoka.
Chitsanzo: (1) Akakhala kuti sakufuna
amangoboloboshabolobosha n’kuzisiya. (2) Sindinawerenge
bwino, ndangobolobosha.
(b) Kulemba zinthu zosaoneka bwino.
Chitsanzo: Mwanayu amangobolobosha akamalemba.
Kubooka: Kupezeka mosavuta. Amatanthauzanso kukha-
la ndi penapake pamene pali boo kapena pamene pakhoza
kutulukira zinthu.
Chitsanzo: Koma ndiye mango abookatu!
Kuboola m’makutu: Kusokosera.
Chitsanzo: Iwe usatiboole m’makutu! Zikapangira uko
phokoso lakolo!
Kuboola m’mimba: Kukuopseza, kupangitsa wina kuti
asowe mtendere.
Chitsanzo: Akuchita zimenezi kuti angondiboola m’mimba.
Kuboola mtambo: Kupita dziko lina pandege.
Chitsanzo: Chaka chino ndiboola mtambo.
Kubooleza: Kunena zenizenizo.
Chitsanzo: (1) Atandifunsa za nkhaniyo ndinangobooleza.
(2) Tangoboolezani, anakuuzani chiyani?
101