Agoloso Presents - Atondido Stories Agoloso Presents - Miyambi ya Patsokwe | Page 101

Miyambi ya Patsokwe
Kumwamba ndi kumwamba, pansi ndi pansi.
-Tiyenera kumanena zimene tikudziwa osati zongopeka.
Kunama n’kudzipha.
-Anthu samathandiza munthu wabodza akakhala pamavuto.
Kunda adafa ndi diwa.
-Kunda ndi mbewa yaikulu. Mbewayi imatha kufa ndi diwa
ngakhale kuti ndi yaikulu. Kanthu konyozeka kangathe
kupweteka ngakhale munthu wamkulu.
Kunena kuti manda akufewa, n’kuika munthu ali m’maso.
-Malangizo othandiza amachokera kwa munthu amene waona
zambiri pamoyo wake.
Kunena kwa ndithendithe Nanthambwe adadzitengera tsoka.
-Munthu uyenera kumanena utaganiza bwinobwino, m’malo
mongonena kuti nkhani ithe chifukwa zikhoza kukubweretsera
mavuto.
Kunena kwa ndithendithe Nanthambwe adazitengera.
-Si bwino munthu kudzitama kapena kulonjezeratu chinthu
zotsatira zake zisanadziwike kwenikweni chifukwa mwina
zotsatira zake zitha kukuika m’mavuto kapena kukutsutsa. Si
bwino kumafulumira kuyankhula kapena kuulura zinsinsi za
ena chifukwa ukhoza kupalamula.
Kunena ndi mtima umodzi.
-Mawuwa amatanthauza kunena mosatsimikiza.
Kungapande tambala kudzacha.
-Ndi mawu amene anthu amadzilimbitsa nawo mtima akakhala
paulendo. Amadziwa kuti ngakhale pangapite masiku, koma
adzafika kawo.
Kunja kuli kutali.
-Munthu asamaderere dziko chifukwa dziko silitha, amatha ndi
100