Agoloso Presents - Atondido Stories Agoloso Presents - Matigari

Matigari “N’kutheka kuti padakali pano sakudziwa mbiri yawo. Mwina anaiwala kuti iwowo ndi ndani. Choncho ndipita m’misika, m’mashopu komanso malo onse omwe kumapezeka anthu, n’kukaliza mphalasa yoitana anthu onse a m’banja langa omwe anapulumuka nkhondo. Ndikawauza kuti: Mtsamunda Williams anafa; tsopano tiyeni tibwerere kunyumba.” “Mtsamunda Williams ndi ndani?” Tsopano inali nthawi yoti Matigari afotokozere Guthera mbi- ri yake. Iye ankafunika kufotokoza mmene anaswera mphanje, kuunda mizere komanso kudzala mbewu ndiponso mmene ana- mangira nyumba. Pa nthawi yonseyi Mtsamunda Williams ankangoyendayenda manja ali m’thumba, akuimba mluzu kapena kumalamula zochita apa ndi apo. Anamufotokozeranso zimene zinachitika atamaliza kumanga nyumbayo kuti Mtsamunda Williams anaitenga. Anachitanso chimodzimodzi ndi mafakitale. Matigari ndi amene ankapanga chilichonse, ko- ma ndi Mtsamunda Williams amene ankatolera mapulofiti. “Tangoganizani: Wolima kumafa ndi njala. Womanga kumago- na pakhonde. Telala kumayenda mbulanda. Woyendetsa gal- imoto kumayenda wapansi mitunda italiitali. Dziko lingakhale lotani zimenezi zitamachitika?” Matigari anafotokozanso mmene anayambira kulimbana ndi Mtsamunda Williams. Ko- manso mmene John Boy anamupulumutsira. Anafotokozanso mmene anathawira n’kupita kunkhalango komanso kumapiri pamene Mtsamunda Williams ndi John Boy ankamuthamangi- tsa. Anatambasuranso umo ankasakiranasakirana m’mapiri ko- manso m’zigwa za m’dzikolo. “Ndi dzulodzuloli limene ndamuchotsa chimbenene. Atagwera pansi, ndinapita n’kukamuponda pachifuwa. Kenako ndinakweza zida zanga m’mwamba n’kuyamba kuimba nyimbo 63

Agoloso Presents - Atondido Stories Agoloso Presents - Matigari | Page 64