Agoloso Presents - Atondido Stories Agoloso Presents - Matigari | Page 245
Matigari
Iye ankayankhula ngati akuwerenga zimene zalembedwa
pachivundikiro cha mitima yawo.
Kenako Matigari, Guthera komanso Muriuki anafutuka
pang'ono n'kuchoka pamene ana aja anaima ndipo kenako
anayamba kuyankhula monong'ona. Iwo ankakambirana
zimene ankafuna kuti achite tsopano. Kenako Matigari
anatulutsa ganizo lina.
"Popeza kunyumbako kuli anthu ambiri tsopano, ndaganiza
zoti tichite izi. Inuyo mupite kunyumbako, ndi ana ena onsewa.
Ine ndipita ndikaone Mercedes-Benz ija pamene ndinaisiya.
Ndikakaipeza pomwepo ndikaitenga n'kupita kukafukula zida
zanga. Ndikakatenga zidazo ndikabwera kunyumbako kuti
ndikathane ndi Boy. Panopa sindikuopanso kufa, kufera zinthu
zathu!"
"Nanga mukakapeza kuti Mercedes-Benz'yo kulibe?" Guthe-
ra anafunsa.
"Osadandaula. Ndibwerabe kunyumbako," iye anatero.
"Ndinakuuzani chiyani? Boy sadzagonanso nyumba yomwe
ndinamanga ine. Iyeyo ndi ineyo sitingagone nyumba imodzi
usikuwu. Ndikuona kuti ndi bwino kumanga nyumba ina
kuyambira pamaziko, nyumba yaikulu, nyumba yabwino ko-
manso yolimba."
"Ndiye fulumiranitu!" Guthera anatero.
"Mukandibweretsere pistole!" Muriuki anawonjezera. Iye
ankaganizirabe zimene anawonera mufilimu ya ma co w bo ys ku
showo.
Matigari ananyamuka, ndipo anawasiya onse akungo-
muyang'ana.
244