Agoloso Presents - Atondido Stories Agoloso Presents - Matigari | Page 238
Matigari
Kenako anafika kubwalo losewerera gofu. Kubwaloli kunali
kapinga wooneka ngati alibe malekezero ndipo mapaipi
ankafaira madzi m'kapingayo. Zinkangokhala ngati mapaipi-
wo akuseka monyodola dzuwa lotentha lomwe linali tsikulo.
"Kodi m'dziko muno mutadutsa chinkukuluzi, anthu anga-
dye khofi, tiyi komanso kapingayu?" Guthera anafunsa
mokhumudwa kwambiri.
"Tatsala pang'ono kufika!" Matigaria anatero. "Bwalo
losewerera gofuli linalipo m'thawi ya Mtsamunda Williams ndi
wantchito wake John Boy."
"Ndipo lidakalipo masiku ano a Robert Williams ndi John
Boy Junior," Guthera anavomereza.
"Imikani manja m'mwamba!" anakuwa Muriuki. Iye ankalo-
ta akuwopseza munthu ndi mfuti.
"Tikufunika tipeze njira yomwe tingakafikire kumudzi wa
ana aja kuti ena asatione," anatero Matigari.
"Tiyenera kupita m'modzim'modzi kuti asatikayikire,"
Guthera anapereka maganizo ake. "Ine nditsike panopa, tiku-
mana posachedwapa."
Guthera anatsikira pakati pa geti lafakitale komanso nsewu
wolowera kumsika uja.
Muriuki ndi Matigari anapitirira pagalimoto. Muriuki
anadzidzimuka ndipo nayenso anatsika n’kusiyana nawo
moyo wofewa wa m'galimoto muja. Anakhala ngati
walandiridwanso ndi moyo wovuta womwe unali kunja kwa
galimotoyo.
Kenako Matigari anayendetsa yekhayekha, n'kumasakasaka
malo oti aimike galimotoyo. "Ukamafuna kubisa chinthu
237