Agoloso Presents - Atondido Stories Agoloso Presents - Matigari | Page 229
Matigari
m'maganizo mwake.
Mercedes-Benz anakwarayo inali yakatukatu. Inali ndi
makina oziziritsa mpweya. Inalinso ndi magalasi otsitsa kapena
kukweza pogwiritsa ntchito batani. Inalinso ndi makatani
m'mawindo akumbuyo.
Kumbuyo kwa galimotoyo kunali kabatani kena. Muriuki
atakaona anakatobwanya ndipo m'galimotomo munayaka
magetsi. Atangochita zimenezi kachitseko kena kanatseguka
ndipo mkati mwakemo munali mabotolo a mowa monga Chivas
Regal, Gordon's Dry Gin, Bristol Cream Sherry, Green Char-
treuse ndi Dom Perignon, komanso munali zakumwa zoziziritsa
kukhosi monga madzi a soda, Ginger Ale komanso Coca-Cola.
"Koma ndiye ikungokhala ngati nyumbatu!" Guthera
anatero. "Zoona galimoto yokhala ndi malo oika mowa komanso
zakumwa zosiyanasiyana! Mulinso wailesi yoika matepi."
Posakhalitsa Muriuki anatsegula botolo la Coca-Cola ndi
mano ake. Kenako anakhala motakasuka pampando wake
n'kuyamba kutsopa chakumwacho mwapang'onopang'ono.
"Kodi kamphepo kayeziyezika kakuchokera kuti?" anafunsa
Muriuki.
"Kakuchokera mufani. Galimotoyitu ili ndi makina oziziritsa
mpweya," anatero Guthera kuuza Muriuki.
Galimotoyo inagwira nsewu waphula ndipo anandondola
koopsa. Sinkamveka mabampu ngakhale kuti nsewu wakeyo
unali wamayenje. Inkayamwiratu mabampu onse.
Muriuki sankakhazikika. Ankangoti wagwira ichi, wagwira
ichi. Kenako ankasiya n'kuyamba kuyang'ana pawindo n'ku-
maona anthu komanso magalimoto omwe ankadutsa mun-
sewuwo.
228