Agoloso Presents - Atondido Stories Agoloso Presents - Matigari | Página 201

Matigari
kukuwa n'kumatuluka kuchoka muholoyo ngati mbewa zobuli-
ka pam’buli. Onse anayamba kubalalikira m'makwawo.
Koma atangofika kwawo, ankangoyankhula nkhani ya
Matigari ma Njiruungi, Ngaruro wa Kiriro komanso wophunzi-
ra wanzeru wa kusukulu yaukachenjede uja.
"Mwati chiyani?" anafunsa motero anthu omwe sanapiteko.
"Iye ananena kuti masiku a mbava zankhanzazi komanso
antchito awo atsala owerengeka."
"Tsiku la 40 la mbavazi layandikira?"
"Ndiyeno masiku amenewa akangotha?"
"Iii, nanunso, kodi mukufuna kuti tichite kukuuzani chili-
chonse?"
"Abweranso. Iye sananene kuti abwera liti, koma anati
abwera ndithu!"
"Koma ndiye ndi zodabwitsatu! Mwati dzina lake ndi nda-
ni?"
"Matigari ma Njiruungi."
"Ndi zoonadi. Zonse zimene anthu akhala akunena ndi zo-
onadi. M'dziko munodi muli anthu a mitundu iwiri. Pali ena
omwe amagulitsa dziko lawo, ndiye pali ena omwe amame-
nyera nkhondo ufulu wadziko lawo."
"Matigari ma Njiruungi akumenyera ufulu wadziko lathu."
200