Agoloso Presents - Atondido Stories Agoloso Presents - Matigari | Page 188

Matigari bata ndi mtendere wosaneneka. Sipakhalanso mikangano pakati pa ogwira ntchito komanso owalemba ntchito . . . Koma pali anthu ena omwe akumaimba nyimbo yomwe ingachititse kuti ena asamamvere lamulo langokhazikitsidwa kumeneli lomwe cholinga chake ndi kutilunzanitsa. Kambalame kena katiuza kuti nyimbo imeneyi yapekedwa ndi anthu a m’mudzi wa Trampville. Nyimboyo ikumanena kuti Matigari ma Njiruungi akangoyendetsa miyendo yake, zipolopolo zikumalira kuti ngindee. Tandiuzeni, mwamuona nokha munthu yemwe akumamuti Matigariyo, yemwe anthu ambiri amamuimbira nyimbo. Kodi zipolopolozo zili kuti? N’chifukwa chiyani walephera kudzipulumutsa nazo? Matigari ma Njiruungi ali m’tulo tatikulu, ndi wogona—ngati Rip Van Wink le . Rip Van Winkle anali munthu wina wa ku Amerika yemwe anagona kwa zaka zambirimbiri ndipo pamene ankadzuka, anapeza kuti chilichonse chasintha. Zinthu zinali zitasintha kwambiri moti ankangokhala ngati wadzuka kumanda ndipo anapeza kuti zinthu sizikuchitikanso ngati mmene zinkachitikira asanagone tulo taketo.” “Tsopano mundimvetsere mosamalitsa. Kuyambira lero nyimbo imeneyi ndisadzaimvenso. Ndisadzamvenso wina akuimba, kukamba kapena kutchula za Matigari ma Njiruungi. Munthu amene adzapezeke akuchita zimenezi adzaona polekera. Nkhani zimene tikufunika kumakambirana ndi zokhudzana ndi chituk uk o basi. Sitikufuna kumakambirana zinthu zankutu ngati za Matigari ma Njiruungi. Ndikufuna kuti aliyense aiwaliretu za nkhani ya Matigari ma Njiruungi. Tsopano tiyeni timvane chimodzi ngati mmene zimachitira mbalame za parrot n’kuvomereza kuti nkhani ya Matigari ma Njiruungi inangokhala ngati maloto oipa. Tili ndi mapulofesa omwe 187