AddisLidet 2017 - Page 29

የ2016 አንኩዋር ክንውኖች
የአዲስ ልደት ዓለምአቀፍ ቤተክርስቲያን አመራር
የቤተክርስቲያኒቱ የመሪዎች ካውንስል እ . ኤ . አ ኤፕሪል 30 2016 በይፋ በተካሄደ ምርጫ የተመረጠ ሲሆን ፤ የእረኞች ህብረት አመራር መርሕ ላይ የተመረኮዘ ፤ የቡድን አመራር ህግጋትን የሚከተል እና የሚያስፈጽም ሆኖ ፤ ተጠያቂነቱ የቤተክርስቲያን ራስ ለሆነው ለኢየሱስ ክርስቶስ እና ለመረጠው ማህበር መሆኑን በተግባር በማሳየት የቤተክርስቲያኒቱን ራዕይ ፤ ተልዕኮ እና ግቦች እንዲፈፀሙ የሚተጋ የቤተክርስቲያኒቱ አወቃቀር አንድ አካል ነው ። የመሪዎች ካውንስሉ የቤተክርስቲያኒቱ ዋና ስራ አስፈፃሚ ሲሆን ተጠሪነቱም ለቤተክርስቲያኒቱ ጠቅላላ ጉባኤ ነው ። ካውንስሉ ሰባት አባላት ሲኖሩት ተዋፆአቸውና የስራ ጊዜያቸውን በተመለከተ ፤ የቤተክርስቲያኒቱ መጋቢዎች በጊዜ ያልተገደበ አባልነት ሲኖራቸው ፤ ተመራጭ የካውንስል አባላት ግን ሁለት ዓመት የአባልነት የጊዜ ገደብ አላቸው ። የካውንስሉ ዐቃቤ ነዋይ የጊዜ ገደብ አራት አመት ነው ። ተመራጭ አባላት ቢባዛ ሁለት የአባልነት የስራ ዘመን ሊያገለግሉ ይችላሉ ። የመሪዎቹ ካውንስል ሰብሳቢ ፤ ምክትል ሰብሳቢ ፤ ፀሐፊ ፤ ዐቃቤ ነዋይ እና የካውንስል አባላት አሉት ። ሁሉም የካውንስል አባላት በውሳኔ ሰጭነት ድርሻ ላይ በእኩል ድምፅ የተወከሉ ናቸው ።
የህፃናት የሰንበት ትምህርት አገልግሎት
ይህ አገልግሎት ዘወትር እሁድ ከ10:30AM – 1:30PM ወደ 50 የሚሆኑ ህፃናትን በ 3 ክፍል እንደ እድሜያቸው ከፋፍሎ የእግዚአብሄርን ቃል ያስተምራል ። የእድሜው ክልል ከ 1-5 አመት ፣ ከ6-9 አመት ፣ ከ10-15 አመት ነው ። ህፃናትን የእግዚአብሄርን ቃል የሚያስተምሩ 15 አስተማሪዎች አሉን ። እንዲሁም በፈቃደኝነት ህፃናትን በአምልኮ ሰአት በመጠበቅ የሚያግዙ 5 ወገኖች አሉን ። በኦገስት ወር በጀርመን ታወን ከተማ በተደረገው የሙሉ ቀን የቤተሰብ ሪትሪት ፕሮግራም ላይ በርካታ ልጆች ፣ ወላጆችና የቤተከርስቲያን አገልጋዮች በተገኙበት መልካም ጊዜ አሳልፈናል ፡፡ በእለቱ የተለያዩ ጭውውቶች ፣ የወላጆች ውይይትና ስለልጆች አስተዳደግ ምክክር የተደረገ ሲሆን በቀጣዩም አመት ተመሳሳይ ፕሮገራም ለመስራት ታስቦ በሰላም ተጠናቆአል ፡፡ ይህን የህፃናት አገልግሎት ለማስተማር ፀጋው አለኝ ወይንም ለማገዝ ፈቃደኛ ነኝ የምትሉ ወገኖች የአገልግሎቱን ክፍል አስተባባሪ ሕይወት ከበደን በስልክ ቁጥር 240-475-1022 ማነጋገር ትችላላችሁ ።
29