2.tbl. 44.árg. júní 2016 - Page 22

Heimsókn í Hundahreysti Hundafóður er stór hluti af hundahaldi. Á misjöfnu þrífast börnin best á líklega við í þessu samhengi og til eru mjög margar tegundir af hundafóðri og nóg að velja úr. Sámur kíkti í heimsókn til fyrirtækis sem framleiðir svokallað hráfóður eða ferskfóður fyrir Íslandsmarkað og er hið eina sinna tegundar hér á landi. Hvernig ætli að sé að vera hráfóðurframleiðandi á Íslandi? Höfundur og ljósmyndari: Anja Björg Kristinsdóttir Daníel tók á móti okkur sem er annar eigenda Hundahreystis. Fyrirtækið var stofnað árið 2008 af Kristínu Þorvaldsdóttur og Daníel Elíassyni eftir að þau höfðu verið með hugmyndina “í maganum” í tæplega tvö ár. En hvað var til þess að þið fóruð út í þessa starfsemi?  “Við komumst í kynni við ferskfóðrið þegar við bjuggum í Svíþjóð og fannst tilvalið að hægt væri að kaupa tilbúið heilfóður handa hundum sem inniheldur hrátt kjöt. Þegar heim var komið sáum við að hvergi var hægt að kaupa tilbúið ferskfóður. Við höfðum samband við Nordic hundfoder í Svíþjóð og fengum að heimsækja verksmiðju þeirra. Fljótlega var ákveðið að fara í framleiðslu á fóðri þeirra hér á landi með franchise-samning, enda er bannað að flytja það til landsins. Nordic 22 · Sámur 2. tbl. 44. árg. júní 2016 í Svíþjóð hefur framleitt ferskfóður fyrir hunda síðan 1980 og mjög góð reynsla er komin á notkun fóðursins þar.” Ísland er lítið land og því fylgja kostir og gallar að vera fóðurframleiðandi hér á landi, segir Daníel. “Lang skemmtilegast er að við erum farin að þekkja afskaplega marga viðskiptavini persónulega, bæði eigendur og hunda. Að hafa góða tengingu við þá er mjög mikilvægt fyrir framleiðslufyrirtæki til að geta brugðist við ábendingum og það er líka mest gefandi parturinn af starfinu. Smæðin á landinu gerir það erfitt að vera með framleiðslu í stóru magni og stundum erum við að glíma við hráefnisskort, sem er mjög hvimleitt fyrir okkar viðskiptavini.” Framleidd eru um 5000 kg af ferskfóðri á mánuði. Áætlað er að um 500-600 hundar séu á fæðinu. Þó er nokkuð erfitt að meta þar sem sumir eru að fá ferskfóðrið tímabundið eða með öðru fóðri og svo eru til hundaeigendur með marga hunda, en ekki alla á fóðrinu frá okkur. Framleiðslan er háð starfsleyfum frá bæði Heilbrigðiseftirlitinu og Matvælastofnun og báðar stofnanir koma reglulega í heimsókn til að gera úttektir. Hefðbundin vinnuvika hjá fyrirtækinu er þannig að á mánudögum er undirbúningur og vörumóttaka. Hráefni kemur frá flestum sláturhúsum á landinu. en bæði er notað kinda og nautakjöt í fóðrið. Að sögn Daníels er þetta í raun sáralítil vinnsla þar sem fóðrið eins hreint og hægt er. Starfsmenn sem eru 3 talsins, hakka kjötið, blanda saman fóðrinu samkvæmt ákveðinni formúlu, pakka og setja það svo strax í \KH0pY0[H\]00H0\[ܰ\Y^\K ][H Z[\0\[]\p[H]]]\[K