fyrirlestrum um atferli hunda og
hef starfað í skapgerðarmatshóp
HRFÍ frá 2007 og er þar prófstjóri.
Ég hef tekið þátt í hlýðni – og
sporaprófum og leitt hunda í
fuglahundaprófum.
Ég hef starfað mikið fyrir
félagið, bæði á sýningum sem
ritari og hringstjóri og hinum
ýmsu vinnuprófum, verið ritari
á hundafimikeppnum, ritari
og prófstjóri í hlýðniprófum,
prófstjóri í sporaprófum
og starfsmaður í prófum
Retrieverdeildarinnar. Ég
er í sýninganefnd, gönguog skemmtinefnd og
heimasíðunefnd Retrieverdeildar
og í undirbúningsteymi
Schnauzerdeildar fyrir
deildarsýningar. Þá er ég í
tveimum nefndum vegna
stefnumótunarvinnu félagsins og í
ritstjórn Sáms.
Ég er gjaldkeri Sólheimakotsnefndar, sem er nefnd sem
samanstendur af fólki sem
hefur áhuga á því að endurbæta
Sólheimakot og gera það vistlegra
fyrir félagsmenn. Fyrir þá sem
ekki þekkja til þá er Sólheimakot
einskonar félagsheimili
Hundaræktarfélags Íslands,
þar geta allar deildir fengið að
halda hina ýmsu viðburði í mjög
hundvænu umhverfi. Síðastliðið
ár höfum við staðið fyrir ýmsum
úrbótum með hjálp góðra félaga
og við vonumst til að sem flestir
leggi hönd á plóg næsta sumar
þegar klárað verður að taka kotið
í gegn að utan. Nefndin hefur
séð um að afla styrkja fyrir öllum
endurbótum við kotið, þannig að
ekki er gengið á sjóði félagsins við
endurbæturnar.
Ég fékk sýningabakteríuna 2005
þegar ég sýndi Ask í fyrsta sinn
og hef tekið þátt í nær öllum
sýningum á vegum félagsins
síðan, bæði sem sýnandi og
starfsmaður. Undanfarin ár hef
ég ferðast erlendis til að fylgjast
með sýningum þar og notið þess
að horfa á hinu ýmsu tegundir í
hring. Ég hef tekið þátt í störfum
Vina Vigdísar, sem er verkefni
þar sem hundar eru notaðir til
æfa börn í lestri og bæði Frosti
(Dvergschnauzer) og Virgill
(Golden Retriever) hafa starfað
þar sem lestrarhundar fyrir börn.
Ástæða þess að ég býð fram
starfskrafta mína til stjórnar HRFÍ
er að ég vil leggja mitt af mörkum
til að efla störf félagsins, gera
það opnara og móttækilegra
fyrir hugmyndum og tillögum
félagsmanna. Þá vil ég einnig
leggja mitt af mörkum til að
gera félagið sýnilegra og meira
aðlaðandi fyrir almenning, sýna
hvernig Hundaræktarfélag Íslands
stuðlar að ræktun hunda sem eru
líkamlega og andlega heilbrigðir.
Deildir félagins eru hornsteinar
þess, þar er sérþekkingin um
tegundir deildanna. Það þarf að
efla og virkja deildir félagsins og
nota þekkinguna þaðan til að stýra
ákvörðunum um heilsufarskröfur
og annað sem viðkemur tegundunum.
Fulltrúaráðsfundur er að mínu
mati vannýttur brunnur, þar
koma saman fulltrúar allra
deilda félagsins og þar ættu að
vera teknar ákvarðanir um störf
félagsins í stað þess að vera sá
upplýsingafundur sem hann er í
dag.
Ég vil sjá aukna þátttöku og
aðkomu félagsins að vinnu með
hunda og sjá almenna þekkingu
félagsmanna á hundum lyft á æðra
plan. Mig langar að sjá félagið
okkar virkt og lifandi þar sem
félagsmenn koma saman og vinna
af gleði fyrir félagið og þá langar
mig að sjá félagið vaxa og dafna en
til þess þarf að auka samkennd í
félaginu.
Aðalfundur HRFÍ
26. maí 2016
kl. 20.00
Hestheimum 14-16, Kópavogi
Sámur 1. tbl. 43. árg. maí 2016 · 7