Digital publication | Page 4

Brunaim bairiþ bairka bogum

laubans liubans liudandei,

gilwagroni, glitmunjandei,

bagme bloma, blauandei,

fagrafahsa, liþulinþi,

fraujinondei fairguni.

Wopjand windos, wagjand lindos,

lutiþ limam laikandei;

slaihta, raihta, hweitarinda,

razda rodeiþ reirandei,

bandwa bairhta, runa goda,

þiuda meina þiuþjandei.

Andanahti milhmam neipiþ,

liuhteiþ liuhmam lauhmuni;

laubos liubai fliugand lausai,

tulgus, triggwa, standandei.

Bairka baza beidiþ blaika

fraujinondei fairguni.

.

Meliþs þairh J.R.R. Tolkien