So baurgeinei gaf, þairh bi-faih sein fairƕumaþlis, ga-fairƕuga laudja du ga-smiþonai jah fra-qumþai allaize lande. Du mikilai trigon ibuka-tilonde, si af-tauh þana þiudeinan grundu fram undaro fotum us-daudeins. Þos fairnjons þiudeinons us-daudeins sind waurþanos fra-qistidos jah wairþand fra-qistidos nauh sinteino. Ijos sind af-skiubanos fram niujaim us-daudeim, ƕizos in-tauhts wairþiþ fraihnawaurd bi libain faur allos uf-hausjandeins þiudos, þairh us-daudeins þozei ni þana-mais ga-smiþonds arþugans hraiwastabins, ak hraiwastabins fram gaujam maist fairraþro, jah ƕizos tauja sind fra-qumana, ni þatain in landa silbo, ak jah in allaim dailim fairƕaus. In stada fairnjaizo þarbo, þozei ga-nohidos waurþun fram taujam þis landis, trudand niujos, þaurbandeins tauja fram fairra landam jah luftu-kunjam du sis ga-nohjan. In stada fairnjaize gaweinaize jah þiudeinaize ga-skaideinais jah silba-ga-nauhins, trudiþ aina allaseidaga sama-fara, aina allaseidaga af-hahandei miþ sis misso þizo þiudo. Jah swe in waihteinai, swa jah in ahmeinai ga-smiþonai. Þo ahmeina tauja þizo ainaklono þiudo wairþand ga-mains aihts. So þiudeino ainaseidagei jah aggwu-hugei wairþiþ mais jah mais unmahteig, jah fram þizai managon þiudeinon jah gaweinon ga-meleinai, skapada fairƕu-ga-melein.
Fredrik Adevag skeirida dails þis kaummunistos manifestos in Gutarazdai, her ist dails skeireinis is:
10